18

പാ​രീ​സ്: 2026 ഫ്ര​ഞ്ച് ഓ​പ്പ​ണി​ല്‍ വ​ന്‍ വീ​ഴ്ച തു​ട​രു​ന്നു. പു​രു​ഷ സിം​ഗി​ള്‍​സി​ല്‍ ലോ​ക ഒ​ന്നാം ന​മ്പ​റാ​യ ഇ​റ്റ​ലി​യു​ടെ യാ​നി​ക് സി​ന്ന​ര്‍, അ​ഞ്ചാം സീ​ഡ് അ​മേ​രി​ക്ക​യു​ടെ ബെ​ന്‍ ഷെ​ല്‍​ട്ട​ണ്‍, ആ​റാം സീ​ഡ് റ​ഷ്യ​യു​ടെ ഡാ​നി മെ​ദ്‌വ​ദേ​വ്, ഏ​ഴാം സീ​ഡ് അ​മേ​രി​ക്ക​യു​ടെ ടെ​യ്‌‌​ല​ര്‍ ഫ്രി​റ്റ്‌​സ്, എ​ട്ടാം സീ​ഡ് ഓ​സ്‌​ട്രേ​ലി​യ​യു​ടെ അ​ല​ക്‌​സ് ഡി ​മി​നൗ​ര്‍, ഒ​മ്പ​താം സീ​ഡ് ക​സാ​ക്കി​സ്ഥാ​ന്‍റെ അ​ല​ക്‌​സാ​ണ്ട​ര്‍ ബ​ബ്ലി​ക് തു​ട​ങ്ങി​യ​വ​ര്‍​ക്കു പി​ന്നാ​ലെ, മൂ​ന്നാം സീ​ഡാ​യ സെ​ര്‍​ബ് സൂ​പ്പ​ര്‍ താ​രം നൊ​വാ​ക് ജോ​ക്കോ​വി​ച്ചും പു​റ​ത്ത്.

മൂ​ന്നാം റൗ​ണ്ടി​ല്‍ ബ്ര​സീ​ലി​ന്‍റെ ജോ​വോ ഫോ​ണ്‍​സെ​ക്ക​യോ​ട് അ​ഞ്ച് സെ​റ്റ് നീ​ണ്ട പോ​രാ​ട്ട​ത്തി​ലാ​ണ് ജോ​ക്കോ​വി​ച്ചി​ന്‍റെ തോ​ല്‍​വി. ആ​ദ്യ ര​ണ്ട് സെ​റ്റ് നേ​ടി​യ​ ശേ​ഷ​മാ​ണ് ജോ​ക്കോ വീ​ണ​ത്. സ്‌​കോ​ര്‍: 4-6, 4-6, 6-3, 7-5, 7-5.

ആ​ദ്യ അ​ഞ്ച് സീ​ഡി​നു​ള്ളി​ല്‍ അ​വ​ശേ​ഷി​ക്കു​ന്ന ഏ​ക താ​ര​മാ​യ, ജ​ര്‍​മ​നി​യു​ടെ അ​ല​ക്‌​സാ​ണ്ട​ര്‍ സ്വ​രേ​വ് പ്രീ​ക്വാ​ര്‍​ട്ട​റി​ല്‍ പ്ര​വേ​ശി​ച്ചു. ര​ണ്ടാം സീ​ഡാ​യ സ്വ​രേ​വ് ഫ്രാ​ന്‍​സി​ന്‍റെ കെ​ന്‍റി​ന്‍ ഹാ​ലി​സി​നെ നാ​ല് സെ​റ്റ് നീ​ണ്ട പോ​രാ​ട്ട​ത്തി​ലൂ​ടെ കീ​ഴ​ട​ക്കി​യാ​ണ് പ്രീ​ക്വാ​ര്‍​ട്ട​റി​ല്‍ എ​ത്തി​യ​ത്. സ്‌​കോ​ര്‍: 6-4, 6-3, 5-7, 6-2. ഇ​റ്റ​ലി​യു​ടെ ഫ്‌​ളാ​വി​യൊ കൊ​ബോ​ലി​യും പ്രീ​ക്വാ​ര്‍​ട്ട​റി​ല്‍ പ്ര​വേ​ശി​ച്ചു.

വ​നി​താ സിം​ഗി​ള്‍​സി​ല്‍ ലോ​ക ഒ​ന്നാം ന​മ്പ​റാ​യ ബെ​ലാ​റൂ​സി​ന്‍റെ അ​രീ​ന സ​ബ​ലെ​ങ്ക പ്രീ​ക്വാ​ര്‍​ട്ട​റി​ല്‍ ഇ​ടം​ നേ​ടി. ഓ​സ്‌​ട്രേ​ലി​യ​യു​ടെ ഡാ​രി​യ ക​സ​ത്കി​ന​യെ (6-0, 7-5) കീ​ഴ​ട​ക്കി​യാ​ണ് സ​ബ​ലെ​ങ്ക​യു​ടെ മു​ന്നേ​റ്റം.

ജാ​പ്പ​നീ​സ് താ​രം ന​വോ​മി ഒ​സാ​ക്ക അ​മേ​രി​ക്ക​യു​ടെ ഇ​വ ജോ​വി​ക്കി​നെ തോ​ല്‍​പ്പി​ച്ച് പ്രീ​ക്വാ​ര്‍​ട്ട​റി​ല്‍ പ്ര​വേ​ശി​ച്ചു. സ്‌​കോ​ര്‍: 7-6 (7-5), 6-7 (3-7), 6-4. ഗ്രീ​സി​ന്‍റെ മ​രി​യ ഷാ​ക്കി​രി​യെ മ​റി​ക​ട​ന്ന് പോ​ള​ണ്ടി​ന്‍റെ ച്വാ​ലി​ന്‍​സ്‌​ക​യു​ടെ പ്രീ​ക്വാ​ര്‍​ട്ട​റി​ല്‍ എ​ത്തി.